Çalakîya Nobeta Azadîye ya ke semedê azadîya Rayberê Şarê Kurdî Abdullah Ocalanî yena kerdene no hewte hetê endamanê Têgêrayîşê Cinîyan ê Kurdan ê Swîsre ra yena rayraberdene.

Hewteyê 484. yê nobete de Endamê Meclîsê Parlamenteran ê Konsaya Ewropa Gianni Marilotti û Roberto Rampiyî çalakwanî zîyaret kerdî.

Rampîyî ard ziwan Rayberê Şarê Kurdî Abdullah Ocalan rayber û zanyarêko pîl o û vat seba ke xeylêk wext o tira xebere nîna girewtene ê rewşa ci meraq kenê. Rampîyî vat ê do na babete bifînê rojdemê hukmatê xo zî û semedê wedartişê tecrîdî bigurîyê. Rampîyî ard ziwan ke o do Wezîrîya Edaletî ya Tirkîya rê mektubêke  binuse û vajo o wazeno Ocalanî reyde pêvînayîş bikero, yan zî ci rê telefon bikero. Raympîyî bale ante rolê Ocalanî semedê merdimîye û cinîyan ser û azadîya ci waşte.