Komeleya Heqanê Merdiman (ÎHD) 30 şaristanan de seba tepişteyanê nêweşan çalakîya 'Ma cuye pawenê' kena. Partî, sendîka û rêxistinanê komelê sivîlî çalakîya nobeta ÎHDyê Anqara zîyaret kerde.

Hemvervatoxê Meclîsê Anqara yê HDKyî Fîkret Çaglayanî pare kerd ke AKP-MHP wazeno zîndanan de rejîmê xo awan bikero û zîndanan de beno sebebê mergî. Çagkayanî vat: ''Teda û zorbazîye zîndanan de bena giranêr. Tecrîdê Îmraliyî pêro welatî ra vila bîyo.''

Serekê TARIM ORKAM-SENî Ahmet Keleşî zî vat ganî her kes wayîrê çalakîya ÎHDyî vejîyo. Partîya Newe ra Sosyalîste (SYKP) ra Halît Elçîyî vat: ''Ganî pêro rêxistinê demokratîkî, sosyalîstî seba tepişteyan têbigêrê. No yew wezîfeyê merdimîye yo.''

Hemserekê HDPyî yê Anqara Vezîr Coşkunî vat: ''Mumkîn nîyo ke tepişteyê nêweşî mîyanê şertanê zîndananê Tirkîya de bimanê. Ganî tepişteyê nêweşî vera bidîyê.''

Hemserekê Sendîkaya Kedkaranê Weşîye û Komelkî (SES) Husnu Yildirimî vat: ''Ma do rêxistinîya xo ya seba azadîya tepişteyan rê dewam bikerê.''