Partîya Keskan a ke Almanya de vengê xo hîna berz kerd û zaf eyaletan de tewrê hukmatî bîye, kongreya partîya xo de şaristanê Bielefelî de kerde. Kongre de Annalena Baerbock û Robert Hakeck reyna bîyî hemserekî. Kongre de îşxalê Rojawanî yo ke Dewleta Tirkan 9ê teşrîna verêne de vera Vakur û Rojhelatê Sûrîye dest pêkerd, kerd bi rojeve.

Seba hêrişan û îşxalî vernîyazêko ke Tirkîya rê ambargoyan tetbîq keno bi rayanê delegeyan ame tesdîqkerdene.Yeno waştene ke nê çar ambargoyî seba Tirkîya bêrê caardene:

-Vera Serekkomarê Tirkan Recep Tayyîp Erdogan û selahîyetdaranê bînan ê hukmatê Tirkîya ambargoyê ekonomîkî

-Seba Tirkîya vindartişê rotişê çekan

-Batalkerdişê Peymana Multecîyan ê mabênê Yewîya Ewropa û Tirkîya

-Garantîyê kredîyê Hermesî yo ke seba ke şîrketê Almanya Tirkîya de bixebitê yeno dayene bêro wedaritene