Partîya Sûre ya Norweçî  seba Rojawanî veng da

Serekê Şaxê Ullensakerî yê Partîya Sûre Arnljok Askî venga Şaredarîya Romerike da ke îşxalê Dewleta Tirkan ê vera Vakurê Sûrîye şermezar bikera. Reyna venga şarê Norweçî da ke tewrê kampanya hetkarîya Heyva Sor û Rojawanî bibê. 

Serekê Şaxê Ullensakerî yê Partîya Sûre Arnljot Askî rojnameya Eidsvoll Ullensaker Bladî rê mekaleqêk nuşte, Hukumetê Norweçî zî tede venga welatanê rojawanî da ke îşxalê Tirkîya yê vera Rojhelat û Vakurê Sûrîye şermezar bikerê. Askî ard ziwan ke vera îşxalkerîye amborgoyê sivikî bes nîyê. 

Askî ard ziwan ke DYA û Rûsya ver da îşxalê Tirkîya û fîşt vîrî ke Tirkîya seba ke hêzê caardişî yê Ewrupa asteng bika bi koçberan gef bi Ewrupa wanena.  Askî nîşan kerd ke na yewe ra serkewte sazîyê sîvîlî seba ke sucanê şerî yê ke Tirkîya vera sîvîlan kena  asteng bikerê ganî teda bi hukumetê xo bikerê.

Askî nîşan kerd ke seba ke trajedîyê neweyî yê merdimîye bêrê astengkerdene ganî îşxalkerîya Tirkîya bêra vindarnayene û vat: “Tirkîya hêzanê îşxalker ê cîhadîstan ê ke El Qeîde zî mîyan de ya seba ke galê kurdan bikerê xo reyde bena Sûrîye.” Askî venga Meclîsê Şaredarîya Romerike da ke vera îşxalkerîya Tirkîya  yê vera Vakur û Rojhelatê Sûrîye helwest nîşan bida. Reyna vanga şarê Norwecî da ke tewrê kampanya Heyva Sore ya seba hetkarîya Rojawanî bibê.