Gore xebera rojnameyê ABC Nyheterî Moxnesî Wezîrê Karanê Teberî yê Norweçî Ine Eriksen Soreide ra waşt ke babete bivisno rojeva kombîyayîşê Wezîranê Karanê Teberî yê NATOyî û Neteweyanê Yewbîyayeyan.

Moxnesî rojnameyî reyde qisey kerd û vat: "Îdîaya ke vana Dewleta Tirke Rojawanî de vera sivîlan fosfora sipîye yan zî çekêka bîne ya kîmyewîye xebitnena ser o ganî cigêrayîş bêra kerdene. Moxnesî bale ante xeberanê Newsweek û Timesî ser ke vanê welatê NATOyî ver vejîyenê ke xebitnayîşê çeka kîmyewîye ya Tirkîya bêro cigêrayene. Moxmesî Soreideyî ra waşt ke babete bero rojeva kombîyayîşê NATOyî û vera sivîlan çi suc ame kerdene bêro cigêrayene. Moxmesî vat: "Ganî NATO cigêrayîşê sucan ê giranan ê vera sivîlan ver nêvejîyo."Partîya Sûre derheqê îdîayanê hetê Dewleta Tirke ra Rojawanî de vera sivîlan xebitnayîşê çeka kîmyewîye de vernîyazêkê persî zî berd rojeva parlamentoyî.