Partîya Yewîya Kesk û Sûre û Partîya Şarî ya Sosyalîste ya Danîmarka eşkerayîyêka nuştekîye daye û bombardumanê dewleta tirke şermezar kerd ke pê teyarayanê bêmerdiman ê çekdaran hêrişê Mexmûrî kerd.

Eşkerayîye pê îmzaya Vervatoxa Têkilîyanê Teberî ya Partîya Yewîya Kesk û Sûre Eva Flyveholm ameye weşanayene. Eşkerayîye de ame vîrvistene ke hêriş de 3 cinîyî ameyî kiştene. Partîye da zanayene ke nê prosesê têkoşînê vera vîrusê Korona de hêrişêko winasên ame kerdene û waşt ke derheqê hêrişî de cigêrayîş bêro kerdene.

Hetkarê Serekê Partîya Şarî ya Sosyalîste Serdal Benlîyî zî îfade kerd ke hêriş bi armancê qetilkerdişê sivîlan ame kerdene. Benlîyî ard ziwan ke pêro sivîlî hêriş de hedef bîyî û ganî Tirkîya bêra hîşyarkerdene ke goreyê peymana Neteweyanê Yewbîyayeyan têbigêra.