Hukmatê AKP-MHPyî zîndanan de kerdişêko newe vist dewre. Tepişteyê sîyasî yê ke cezaya muebede dîyaya înan newe ra derheqê înan de dewa yena akerdene û yenê muhakemekerdene.

Derheqê tepişteyan Mahsûm Bîlen, Vezîr Kaya, Nevzat Çapkin û Sedat Akgul ê ke Zîndanê Beşîkduzuyî de tepişîyenê bi îdîaya 'Zîndan de îdareyê rêxistine awan kerdo û perwerdeyê rêxistine dayo' dewa ameye akerdene.

Mahsum Bîlen û Vezîr Kayayî 1993 de cezaya muebede girewte û 2019 de zî heman sûcî ra vera înan dewa ameye akerdene. Roniştişê dewa Mehkemeya Cezaya Girane ya Trabzonî de ame kerdene.Dozgerî waşt ke 6 mengî ceza bidê tepişteyan la mehkeme seba na ceza delîlê qîmî nêdîyî.

Avûkata Bîlmez û Kayayî Ekîne Yeter derheqê babete de ANFyî rê qisey kerd. Ekîne Yeter da zanayene ke dewa goreyê beyananê şahîdanê nimiteyan yena kerdene û no zî huqûqî nîyo. Yetere vat: ''Tepişteyê ke 'endamîya rêxistine' ra cezaya muebede dîyaya înan nêbeno ke newe ra heman sûcdarîye ra bêrê muhakemekerdene. Xora muwekîlanê mi sûcê endamîye ra 28 serrî ceza girewte. Şahîdê nimiteyî vat 'Rêxistinîya zîndanî ya rêxistinkerde.'  Înan nika kêmasîya delîlan ra berat kerd. Yeno waştene ke pê şahîdanê nimteyan dewayê neweyî bêrê akerdene. Nê merdimî bi mengan o mexdûr ê. Delîlêko eşkera çin o. Vera tepişteyanê sîyasîyan polîtîkaya teda yena kerdene.''