Ekonomîst-nnuştox Ehmed Peldayî ANFyî rê qisey kerd û bale ante çimeyê fînansî yê şerê dewleta tirke yê vera kurdan ser.

Peldayî da zanayene ke wextê îqtîdarê Erdoganî de hûmara leşker, polîs û hêzanê şerî zêdîyaye û Erdoganî cergê SMO û DAÎŞî fînanse kerdî. Peldayî vat: ''Erdogan petrolê Başûrê Kurdîstanî ercan gêno û bi heqê vayî roşeno welatanê bînan. Pê pereyê ci zî hêzanê xo, cerganê xo fînanse keno. Nê hezî vera kurdan pê pereyê kurdan şer kenê. Selahîyetdarê Başûrî zî hemkarê Erdoganî yê. Başûr de baregeh û şîrketê Tirkîya xeylêk zêde yê. Erdogan bi nê hawayî Başûr zî kontrol keno.''

Peldayî eşkera kerd ke Erdogan pê talankerdişê Rojawanî bi zengîn û pê destê cerganê DAÎŞ û cîhadîstan Efrîn, Girê Sipî, Îdlîb, Bab, Ezaz, Cerablus de malê merdiman, zeytûnêr û fabrîkayî talan kerdî. Peldayî pare kerd ke Erdoganî heman çîyî Azerbaycan û Îdlîb de zî kerdî.

Peldayî vat: ''Ewropa zî seba multecîyan xerec dana Tirkîya. Erdogan nê xerecî seba menfaatanê xo şuxilneno. La Tirkîya pê PKKyî do nêeşko. PKK têgêrayîşê gerîlayan o. Artêşa tirke xeylêk cayanê dinya de şer kena, ser kewena la vera gerîlayan bin kewena. Wextêkê nezdî de Tirkîya do neçare bimana ke Başûr û Rojawanî ra xo apey bigêra. Coka Tirkîya giranîye daye şerê vera kurdan.''