23yê nîsane de 9 rojnamegerî Îstanbul, Anqara û Riha de ameybî destbendkerdene. Rojnamegeran rê wextê îfadedayîşî de persê ecêbî ameyî perskerdene. 

Dîya zanayene ke polîsan rojnameger Erdogan Alayumatî rê vat ke ey çira xeberê sîyasîyî kerdê. Goreyê agahîyanê ke avûkatanê rojnamegeran dayê, polîsan xeberê ey mojnayê Alayamutî û pêvînayîşê ci yê ke telefon de bi çimeyanê xo yê xeberan de kerdê zî pers kerdî.

Pêvînayîşanê telefonî ra tayê wina yê:

- Ti yenî Newroze?

- He ez yena, ez rayîr de ya.

***

-Ti ça de yî?

-Ez Xadeyê Îstîklalî de ya, dîmenanê çalakîyan gêna.

-Temam, xatirê to.

***

Ame parekerdene ke ewro rojnamegerî do bêrê berdene bi Edlîyeya Îstanbulî û tehqîqatê dozgerîye do destpê bikero.