Qezaya Pêrtagî ya Dêrsimî de polîsî hemwelatîyanê HDPyîjan rê ajanîye dane ferzkerdene. Goreyê zanayîşanê ke ameye girewtene polîsan veng da H.Ş û D.Kyî ke wa şirê Şûbeyê TEMî yê Mudirîya Asayîşî ya Qeza û tîya înan ra ajanîye ameye ferzkerdene.

H.Şyî vat pê telefonî ci rê mesajê  ''Ma polîs ê wazenê pêvînayîş bikerê'' ameyî. Bado ke o şi Mudirîya Asayîşî ya Qeza polîsan ey rê vato ê nêgêrayî ey. Dima ra eynî numarayî ra reyna mesaj ame û o narey şi Şûbeyê TEMî yê Mudirîya Asayîşî ya Qeza. Tîya ci rê ajanîye ameye ferzkerdene. H.Kyo ke 10 serrî zîndan de mendo derheqê dewaya ci dê persî ci ra ameyî persayene. Polîsan vato ''eke ti ma rê hetkarî bikerî ma zî do to rê hetkarî bikerê.'' H.Şyî vato binê hetkarî de ci rê ajanîye ameya ferzgkerdene, vera nê hêrsê xo ard ziwan û vat hewceyê ey hetkarî çîn a.

Hetê bînî ra ame eşnawitene ke D.Kyî rê zî şûbeyê TEMî de ajanîye ameye ferzkerdene.