Heyetê DEM Partî hewteyanê peyênan de xeylê partîyanê sîyasîyan de pêvînayîşan keno. Heyetê DEM Partî çarçewa vengdayîşê Rayber Apoyî yê 27ê sibate de Partîya Têgêrayîşê Neteweperestî (MHP) de pêvînayîş kerd.

Heyetê DEM Partî de Hemserekî Tulaye Hatîmogullari û Tuncer Bakirhan, Serekwekîla Meclîsî Sirri Sureyya Onder û Serekwekîla Kome Gulîstane Kiliç Koçyîgît est bîyî.

Pêvînayîş Meclîs de ame kerdene û heyet hetê Hetkarê Serekê MHPyî Semîh Yalçin, Hetkarê Serekê Karanê Weçînayîşî Fetî Yildiz û Hetkarê Serekî Îsmaîl Faruk Aksuyî ra ame pêşwazîkerdene. Heyet derbazê salona pêvînayîşî bi. 

Pêvînayîşî ra dima Tulaye Hatîmogullari qisey kerd û vat: ‘’Ma do mîyanê roje de derheqê pêvînayîşî de eşkerayîyêke bidê. Devlet Bahçelî seba ke nêweş bi, coka tewrê pêvînayîşî bi.’’

Nameyê MHPyî ser o Semîh Yalçinî vat: ‘’Ma sey MHPyî eşkerayîyêke nêdê. La pêvînayîşêko bifayde bi.’’

Wina pawîyeno ke heyet ewro do AKPyî de ronişo.