PDKyî verî ke Serekê Iraqî Kazim şiro Anqara bi vatişê ''YPGyî hêrişê Pêşmergeyan kerd'' vera Rojawanî operasyonêko leymin da destpêkerdene. Startê nê provakasyonî ke paştî dano dewleta tirke, di rojî verê cu hetê Mesrûr Barzanîyî ra amebi dayene.
PDKyo ke bi hawayê hemwextî pîya bi dewleta tirke vera Rojawanî û Têgêrayîşê Azadîye yê Kurdîstanî dest pê operasyon û propagandaya reşe kerd ewro zî îdîa kerd ker ''YPGyî hêrişê Pêşmergeyan kerd.''
Hetkarê Serekê Pêşmergeyan Serbest Lezginî kombîyayîşê çapemenîye yo ke têna medyaya PDKyî tewrê ci bîyî de îdîa kerd ''YPGyî sînorê Rojawan-Başûrî ra hêrişê Pêşmergeyan kerd.''
Çimeyanê YPGyî zî da zanayene ke vatişê Lezgînî raşt nîyo û vat ê do eşkerayîyêka fermîye bidê.
Goreyê vatişê Lezgînî hêriş herêma Sihêla ya Dêrikî de ameyo kerdene la rîyê pêkerdişê Soçî ra na hêrama ke sînorê Tirkîya ra 30 kilometre mesafe de ya, tede hêzê YPG, YPJ QSDyî çîn ê.
Medyaya PDKyî îdîa kerd ker ''YPGyî hêrişê Pêşmergeyan kerd û herême de pêkewtişî vejîyayî'' la bado ke nêrazîbîyayîşî ameyî xebera xo peyser ante û xebere sey ''PKK û YPGyî Sihêla de hêrişê Pêşmergeyan kerd'' daye.
Serekê Başûrê Kurdîstanî Mesrûr Barzanî ke di rojî verê cu Temlîskaro Taybet ê Sûrîye yê Amerîka Joel Rayburnî dir bi rayîrê telefonî qisey kerd, îdîa kerdbi ke ''PKKyî Aedîyê de hêrişê Pêşmergeyan kerd. Çalakîyê şarê yê Başûrî hetê PKKyî ra ameyî organîzekerdene. Hetkarîya leşkerî ya ke hêzanê koalîsyonî QSDyî kerd dîyaye PKKyî.'' Badê nayî medyaya PDKyî nê îdîya hêrişî eşt werte.
PDK menga êlule ra nata sînorê Rojawanî rê sewqîyat keno. Mewzîyê neweyî yenê kendene û qereqolî yenê viraştene. Reyna çeke giranî û kamareyê termalî zî sînor de yenê cakerdene.
Baldaro ke wextê îdîaya medyaya PDKyî de Wezîrê Karanê Teberî yê Iraqî yo PDKyîj Fûad Hisên Anqara de Wezîrê Karanê Teberî yê Tirkî Çavuşogluyî reyde pêvînayîş de bi. Çavuşogluyî pêvînayîş de PKK û YPGyî sey eynî rêxistin name kerdî û vat seba ke Iraq PKKyî ra bêro pakkerdene çiko destê înan rê bêro do bikerê. Hisênî zî ard ziwan ke pêvînayîş de pêkerdişê Şingalî ameyo destgirewtene.
Siba do Serekê Iraqî Mistefa Kazim Anqara zîyaret bikero. Verê nê zîyaretî şîyayîşê Hisênî yê Anqara û provakosyonê PDKyî yê vera YPGyî bi sebebê persan.
Selahîyetdar û medyayê PDKyî û dewleta tirke pîya operasyonê leyminî yê vera Rojawanî û Têgêrayîşê Azadîye yê Kurdîstanî rayra benê.
