Pisporanê pabesteyê Komîserîya Berze ya Heqanê Merdiman a Neteweyanê Yewbîyayeyan (NY) pare kerd ke ê bi hêvîya prosesê haştîye û adirbirnayîşê PKKyî kêfweş ê.

Pisporan bi eşkerayîyêka hempare venga Tirkîya û PKKyî da ke ‘’seba çareserîyêka haştîyane dest pê muzakereyan bikerê’’ û ‘’hûrmetê heqanê merdiman û huqûqî’’ bikerê.

Pisporan da zanayene ke rixmê adirbirnayîşê PKKyî zî ê bi hêrişanê Tirkîya yê vera Rojawanî qerqilîyenê û nê operasyonî sey ‘’şikdarî’’ pênase kerdî.

Pisporanê Nyyî seba ‘’haştîyêka mende’’ nê madeyî pêşnîyaz kerdî:

‘’-Kesê ke çekan war verdenê, bêsûc ê ûsn bêrê efûkerdene yan zî cezaya nînan bêra kêmîkerdene.

-Mekanîzmayê edaletî bi temamî wa bêrê caardene.

-Wa destek bêro dayene mexdûran, cenazayî bêrê îadekerdene, vinîbîyayeyî bêrê dîyenê

-Sektorê asayîşî, dezgehan û îdareyanê asayîşî de reform

-Wa bingeyê şîdetî bêro cigêrayene û tedbîrî bigêrîyê.’’

Pisporan venga komelê mîyanneteweyîy zî da ke wa destek bido hêvîya prosesî.

https://www.ohchr.org/en/press-releases/2025/04/un-experts-welcome-kurdish-workers-party-ceasefire-turkiye-and-urge-just-and