Komîteya Rayberdişî ya PKK derheqê vengdayîşê Rayber Apoyî bi sernameyê 'Şarê Ma yê Welatperwerî rê û Rayapêroyîya Demokratîkî rê' eşkerayîye daye û nê pare kerdî:

''Eşkerayîya ke bi sernameyê 'Vengdayîşê Haştîye û Komelê Demokratîkî' ya ke Rayber Apdullah Ocalanî 27ê sibate de kerd, Manîfestoyê Demî ya ke rayîrê heme hêzanê azadîye roşn kerd. Seba ke şarê ma û merdimîye rê wina manîfestoyê komelê demokratîkî da qezenckerdene ma Rayber Apoyî bi hurmet selam kenê.

Ma vengdayîşî qebul kenê û goreyê ci têgêrenê

Bi nê Vengdayîşî Kurdîstan û Rojhelatê Mîyanênî de do verê prosesêkê tarîxî bêro akerdene. No do pêro dinya û cuyeya azade û averberdişê îdareyê demokratîkî ser o tesîro gird bikero. Na çarçewe de berpirsîyarîye yê ma perûn a; her kes ganî wayîrê berpirsîyarîye  û wezîfeyê xo bivejîyo û bîyaro ca.

Bêşik kerdişê Vengdayîşê winayênî wayîrê muhîmîya tarîxî yo; nika seba ke muhtewaya ci bi serkewtişî pratîk de bêro caardene no zî wina muhîm o. Ma sey PKKyî muhtewaya nê Vengdayîşî yo ke qala ci yena kerdene, qebul kenê û vanê ke ma do cepheyê xo ra goreyê vengdayîşî têbigêrê û bîyarê ca. La semedê serkewtişî ganî zemînê sîyasetê demokratîkî û huqûq zî bêro pêardene.

 PKK hêzê rayraberdişê têkoşînî dano şarê ma

Zaf eşkeraya yo ke PKK nêm seserra peyêne de Kurdîstan de bi têgêrayîşê qehremanîye û heqîqetî. Her çî bi têkoşînêkê cesur û fedakarî, bedel û kede ame destkewtene. Ma heme şehîdanê qehremanan ê nê têkoşînê azadîye yê girdî bi hurmet, heskerdiş û mînetî yad kenê. Nika bi eynî ruh û bawerî ma nê destkewteyanê tarîxîyan  kirişenê prosesêkê newî yê têkoşînî. Zanayîşo ke Rayber Apoyî da û têkoşîno girdo ke PKKyî afirna hêz dano şarê ma ke têkoşînê azadîye bi sîyasetê demokratîkî rayra bêro.

Ma ewro ra vîyartbar adirbirnayîş îlan kenê

Na çarçewe de seba ke ma verê Vengdayîşê Haştîye û Komelê Demokratîkî yê Rayber Apoyî abikerê, ma ewro ra vîyartbar adirbirnayîş îlan kenê. Heta ke hêrişê ci mebo qet hêzêkê ma do çalakîya çekdar mekero. Naye ra wêter semedê caardişê xusûsê sey çeke ronayîşî têna bi serkêşîya pratîke ya Rayber Apoyî de beno.

Ganî Kongre hetê Rayber Apoyî ra bêro kerdene

Hetê bînî ra ma hazirê ke sey waştişê Rayber Apoyî kongre kom bikerê. La seba ke no bêro caardene ganî waro biasayîş bêro pêardene û semedê serkewtişê kongre Rayber Apo bi xo kongre îdare bikero. Heta nika îdareyê şerî, pîya bi heme xeta û kêmayîye ma rayra berd; la îdareyê Demê Haştîye û Komelê Demokratîkî têna Rayber Apo eşkeno rayra bêro.

Ganî şertê Rayber Apoyî bêrê bedilnayene

Raştîyê zaf eşkera ramojnenê, semedê serkewtişê Vengdayîşê Haştîye û Komelê Demokratîkî, çarçewaya çareserîya demokratîke ya meseleya krudan de demokratîkbîyayîşê Tirkîya û Rojhelatê Mîyanênî û averberdişê têgêrayîşê demokrasîyî yê globalî, ganî şertê berê bedilnayene ke Rayber Abdullah Ocalan bi eşkeno fîzîkî azad bixebito û embazê ci zî tede her kesî de bêastenkerdişî têkîlî rono. Ma hêvî kenê dezgehê eleqedarî yê dewlete nînan anê ca.

Vengdayîş destpêkerdoşo newe yo

Şarê û dostê ma yê erjîyayeyî!

Vengdayîşo ke Rayber Apoyî kerd bi qetî yew peynî nîyo, eqsê ci de destpêkerdişêko newe yo. Senî ke eşkerayîye de zî yeno vînayene pêroyî de 35 serranê peyênan de, taybet de 20 serran peyênan de  çîyê ke ganî ma bikerdêne û wextê ci de ma tam nêkerdî nika bi hewayêkê zaf zelal û tûjî îfade keno ke ganî bêrê kerdene. Nê hetî ra ganî sebebê vengdayîşê Rayberîye û wezîfeyê prosesî yo ke newe da destpêkerdene  raşt bêrê famkerdene û bi serkewtişî bêrê caardene. Zaf muhîmo ke her kes her warî de berpirsîyarîya xo bîyaro ca.

Ma xo vîra mekerê, Rayber Apo tim baro giran girewt xo ser û rayîrê ma roşn kerd û ma rê serkêşîye kerde. Nika bi 'Vengdayîşê Haştîye û Komelê Demokratîkî' gamêka newe erzeno û sere de cinî û ciwanî semedê heme bindestan prosesê neweyî dano desptêkerdene. Ma vera her qeyde xîle û hêrşan tim hazir bê, prosesê nêwî raşt fam bikerê û wezîfeyanê xo bi serekwtişî bîyarê ca. Ma her cayê dinya de têkoşînê azadîye xurt bikerê û semedê serkewtişê Vengdayîşê Rayberîye berpirsîyarîya xo bîyarê ca.

8ê Adare û Newroze de têkoşînî xurtêr bikerê

Ma kewtê aşma adare ya newî, ma heyecanê 8ê Adare û Newroze ciwîyenê. Ma çareçewaya jineolojî de Şorişê Azadîye yê Cinîyan aver benê, Xeta Modernîteya Demokratîke de cuyeya komelî ya ehleqî û polîtîkî rêxistin kenê. Seba ke heqîqetê Apoyî dahîna raşt û qîmkerde bêro famkerdene ma şorişê heqîqetî aver benê. Vengdayîşo peyên ê Rayber Apoyî beno vengdayîşê dahîna zaf wayîrê 8ê Adare û Newroze bivejê û dahîna zaf bi coşî pîroz bikerê. Ganî tewr zaf cinî û ciwanî nê vengdayîşî raşt fam bikerê û wayîrê ci bivejîyê.

Çarçewaya nînan de ma nika ra 8ê Adare Roja Cinîyan ê Kedkaran û Newroze pîroz kenê, veng danê ke wa her kes bi ruhê 8ê Adare û Newroze wayîrê Vendayîşê Rayberîye bivejîyo û têkoşînê azadîye her ca de xurtêr bikero. 

Wa Biciwîyo Serkêşo Qehreman ê Şarê ma PKK!

Bijî Rêber APO!”