Çarçewa Kampanyaya 'PKK şar o, şar nêno qedexekerdene' de çalakîya Féte de L'Humanite de bi seyan îmzayî arê dîyayî. Dostanê kurdan pare kerd ke seba dewletanê Yewîya Ewropa şerm o ke 28 serrî yo PKK lîsteya terorî de yo.
Çalakîya Féte de L'Humanite Bretagne ya Partîya Komunîste ya Fransa (PCF) emser şaristanê Lorientî yê Fransa de yena kerdene. Kurdîstanijan zî çalakîye de standêk akerd.
Kurdîstanijan çarçewa Kampanyaya 'PKK şar o, şar nêno qedexekerdene' de çalakîya Féte de L'Humanite de bi seyan îmzayî arê dayî.
Temsîlkaranê PCFyî yê Morbihanî, temsîlkaranê sendîkayanê kedkaran ê Morbihanî, sîyasetmedaranê herêmîyan stan de eşkera kerd ke ê hertim paştî danê şarê kurdî û xîret kenê ke Yewîya Ewropa PKKyî lîsteya terorî ra veja.
Çalakîye de konferans, mojnayîşê fîlman û konserê muzîkî ameyî dayene. Konferans de bale ameye antene ser ke bi hezaran koçberî serê sînorê Polonya-Belarusî de û tewr tay 30 kurdî zî Dengizê Manşî de merdî û polîtîkayê Yewîya Ewropa ameyî rexnekerdene.
Çalakîye pê qiseykerdişanê PCFyî qedîyaye.
