Endamê Meclîsê Partîye yê HDPyî Ozgur Zeydanogluyî ANFyî rê rojdem ercna.  Zeyanogluyî bale ante Newroza emserî ya biheybete ser û nê vatî:

''Planê çokdayîşî Newroza emserî de çok da.Kurdî sey tim hewt serranê peyênan de zî vera zextan meydanan de tewirê xo ramojnenê. Kurdî meydanan de qîrênî û vanê ê waştişê statuyî vanêverdayo. Reyna Newroze de waştişê wedaritişê tecrîdê serê Abdullah Ocalanî zî vejîya meydan. Ganî her hes mesajê Newroze raşt fam bikero. Ganî bêro vînayene ke polîtîkayê vera kurdan ameyî betalkerdene. Sîstem nê vînano ma nêzanê la mesajê şarî yê Newroze zaf zelal bi.

Zeydanogluyî dewaya vera partîya ci sey bêhuqûqî name kerd û vat: Bi waştişê şarê ma teberê sîyasetî de verdê vera partîya dewaya qefilnayîşî ameye akerdene.Şar partîya ma sey partîya xo vîneno û wayîrê ci vejîyeno. Semedê qefilnayîşê partîya ma sebebê huqûqî çîn o la bi qerarêkê sîyasîyî eşkenê bikerî.  Ma tewirê keyfî yê hukmatî zanê xora. Bi qefilnayîşê partîye şima nêeşkenê verê kurdan bigêrê. Ma so sey rayîrê hirêyînî name kenê. Partîya ma semedê cuya demokratîke têkoşîn kena. Vîjnayîşî muhîm ê la têna metodê têkoşînê demokrasîyî wina nîyê. Ma sey partîye cehd kenê ke Kurdsîtan û Tirkîya de sîstemêkê demokratîkî ronê. Ma wazenê ke heme hetê ke teberê sîstemî de yê ma pîya têkoşînê hemparî bikerê. Netîceya nînan do zaf pîl bo.''