Sehneyê Yilmaz Guneyî yê Anqara de vera îxtîmalê dek û dolabanê îqtîdarê AKP-MHPyî Platformê Asayîşê Weçînayîşê Seba Weçînayîşêkê bi Edaletî ronîya. Temsîlkarê KESK, TTB, DÎSK, SODEV, ÎHD, DÎB, DGB, Platformê Heq û Edaletî, Koma Dîyalogî ya Misilmananê Antîkapîtalîstan tewrê kombîyayîşî bîyî. 

Sekretera Malî ya KESKî Gonule Kural Şîmşek pare kerd ke weçînayîşanê welatî rê mudaxele yeno kerdene û bale ante ser ke hêzê îqtîdarê AKP-MHPyî kêmîyeno û wazeno ke qanûnanê weşînayîşî û partîyanê sîyasîyan de vurnayîşan bikerê.

Eşkerayîya platformî de qala nê tedbîran ameye kerdene:

''-Ganî pêro partî, rêxistinê demokratîkî, dezgehê sivîlî yê komelkî cade dest pê prosesê weçînayîşî bikerê.

-Ganî hetê qels û serkewteyî yê xebatan bêrê ercnayene.

-Ganî her safhaya prosesê weçînayîşî de bi baldarî plansazîye bêra kerdene.

-Ganî seba teqîbê biranê Dezgehê Berzî yê Weçînayîşî û Heyetanê Weçînayîşî yê şaristan û qezayan heyetî ronîyê. Rewşanê hewcedaran de ganî prosesê huqûqî bidîyo destpêkerdene.''