Platformê Ziwanê Kurdkî Partîya Demokratîke ya Şaran (HDP) zîyaret kerd. Hemerekê Pêroyî Pervîne Buldan û Sezaî Temellî bi heyetêk platform qebûl kerd. Pêvînayîş de polîtîkayê asîmîlasyonî yê vera kurdkî û xebatê avarberdişê kurdkî ameyî destgirewtene.

HDPyî derheqê pêvînayîşî de nê pare kerdî: ''Platformî seba ke kurdkî bibo ziwano fermî meclîs zîyaret kerd û waşt ke partîyanê sîyasîyan de waştişê xo pare bikerê. Ma ra waştişê înan oyo ke wa kurdkî bibo ziwano fermî, ziwanê sîyasetî wa bibo kurdkî, wa sîyadetmedarê kurdî kurdkî qisey bikerî û ziwanî vejî vernî. Platfomî bale ante ke sîyasetmedarî rolêko gird kay kenê, sey modelî verê çimanê şarî de yê û vat ganî sîyatmedarî  berpisîyarîya xo bîyarê ca, wayîrê ziwanî bivejîyê û kurdkî qisey bikerî. Seba ke kurdkî vîr ra nêşiro ganî sîyasetmedarî kurdkî qisey bikerê û şarî rê nimûne bê. Eke wina bibo şar zî hîna zaf wayîrê ziwanê xo vejîyeno. Ma zî vat ma heme nuşteyanê xo kurdkî û tirkî di ziwanan de kenê û paştî danê xebatanê înan.''

Platform ewro do bi Serekê Pêroyî yê CHPyî Kemal Kiliçdarogluyî û siba zî bi Hemserekê Pêroyî yê Partîya Saadetî Temel Karamollaogluyî pêvînayîşan bikero.