Sereka Konseya Merkezî ya Yewîyan Tabîbanê Tirkan (TTB) Şebneme Korur Fîncanci bi îdîaya 'propagandaya rêxistine' 26ê teşrîna verêne de amebî destbendkerdene. Fîncanciye ewro wexto ke ameyêne berdene bi Edlîyeya Anqara komêke waşt çalakîyêka paştdayîşî bikera la polîsan kome asteng kerde.

Polîsan rojnamegerî zî warî ra dûr kerdî. Polîsan nêverda ke temsîlkarê kar û kede debikewê edlîye û înan rê şîdet mojna. Polîsan endamê KESKî û SESî û wendekarî erdî ra kaş kerdî û destbend kerdî.

Hêrişê polîsan de endama KESKî Done Gevher, Endama TTByî Selam Gungor, Sekretera SESî Gonule Adibellî, Endama Komîsyonê Wendekaranê Tipî (TOK) Hêlîne Çakir destbend kerdî.

Dormeyê edlîye de alozîye dewam kena.