Kocaelî de polîsan çarçewa operasyonê qirkerdişê sîyasîyî de serê sibayî merkez û qezayanê bajarî de eşt xeylî keyeyan ser.Hemsereka HDPyî ya Kocaelî Leyla Aygun, endama HDPyî Mehmet Yalçinkaya û Engun Guleser û hemserekê HDPyî yê qezayan zî tede tewr tay 20 kesî ameyî destbendkerdene.

Polîsan hesabdarê HDPyî yê Kocaelîyî Îrfan Demîrkaya keyeyê ey de destbend kerd û dima o ard bînaya HDPyî û uca de cigêrayîş kerd. Cigêrayîşî de polîsan dest na 4 kompîteran û hardîskêkî ser.

Dîmenê îşxalî!

Sereştişan de bînayî ameyî serûbinkerdene û bînayan de alaya tirkan ameye daliqnayene. Ame zanayene ke kesê ke ameyî destbendkerdene ameyî berdene bi Mudirîyetê Asayîşî yê Kocaeli.

Nameyê kesanê ke ameyî destbendkerdene wina yê: "Endamê Meclîsê HDPyî Mehmet Yalçinkaya û Engîn Guleser, Hemsereka HDpyî ya Kocaelîyî Leyla Aygun, Hesabdarê HDPyî yê Kocaelîyî Îrfan Demîrkaya, Hemserekê HDPyî yê Dîlovayî Andulkadîr Demîr, Hemserekê HDPyî yê Darica Kutbettîn Guneşsu, Hemsereka Verêne ya Çayirova Emîne Karaaslan û endamê HDPyî Ebubekîr Çobam, Osman Kurum, Avûkate Zekîre Dundar Aydin, Avûkat Yuksel Genç, Damla Bagci, Mekîye Aydin, Mehmet Karaaslan, Kudret Davutoglu, Hasrete Demîr"