Polîsanê tirkan 27ê teşrîna peyêne roja şemeyî de taxa Cûdî ya Êlihî de eşt keyeyê rojnamegere Dilbirine Turgut ser.

Polîsan berê keyeyî şikit, çeke ante sereyê çar domananê keyeyî ro. Polîsan domanî zî tede ferdê keyeyî erdî ra derg kerdî, pey ra kelemçe kerdî û înan rê vat 'Şima terorîst ê, xayîn ê.' Polîsan pê gefan keyeyî rê şîdet kerd.

Wextê sereştişî de waya/birayê rojnamegere ya/yê 13 serre krîz kerd. Polîsan nêverda ke Turgute waya/birayê xo rê mudaxele bikera.

Polîsan qata bine de eşt keyeyê cinîya lohusa ser zî. Polîsan sebebê sereştişî eşkera nêkerd û çew destbend nêkerd.

Vervatoxa Meclîsê Cinîyan ê HDPyî Ayşe Acar Başaran keyeyê Turgute zîyaret kerd. Keyeyî da zanayene ke ê do nê kerdişan ser o muracatê ÎHDyî bikerê.