Taxa Turkozuyî ya qezaya Mamakî ya Anqara de polîsan eşt veyveyê kurdan ser. Polîsan bi bahaneya ke beşdaranê veyveyî kincê tradîsyonelî dayê xo ra û nîşaneya serfîrazîye kerda eşt veyveyî ser û dîmenê kamera waştî. Polîsanê Mudirîya Şubeyê Terorî (TEM) îdîa kerd ke tay kesan gerreyê veyveyî kerdo.

Polîsan tay dîmenî seyr kerdî û waşt ke temamîya dîmenan înan rê dima bêra teslîmkerdene. Dima polîsî veyveyî ra agêrayî.

Merdimanê wayîranê veyveyî ra Îlhan Karamanî da zanayene ke 25 serrî yo ê uca de veyve kenê û reya verêne polîsê TEMî ameyî. Karamanî vat: ''Verî polîsî bi bahaneya 'qerebalixî ameyêne. Ma Colemêrgî ra yê, tim veyve kenê. Reya verêne ma çîyo winasên dî. 

Polîsan vat semedo ke ma kincê tradîsyonelî dabî xo rê înan rê gerreyê ma ameyo kerdene. Polîsan vat ma veyve nê nawnayîş kenê. Înan waşt ke ma veyveyî ra dima pêro dîmenan bidê înan.''