Hêzanê Kede, Haştîye û Demokrasî Bakirkoy de bi wesîleya 1ê Êlule Roja Haştîye ya Dinya 'Mîtîngê Haştîye' do bikerdêne. La Walîtîya Îstanbulî mîtîng qedexe kerd. Hêzanê Kede, Haştîye û Demokrasî waşt Taksîm Tunel de qedexe protesto bikerê û eşkerayîye bidê. La polîsan meydan giret binê ablûqa û nêverda kes derbazê Tunelî bo.

Wekîlê HDPyî yê Îstanbulî Musa Pîroglu û rojnamegerî Tunel de kom bîyî la polîsan dormeyê înan girewt. Hemserekê SESî yê Şîşlî Abuzer Aslan û xeylêk kesanê bînan waşt şorê cayê înan la polîsan ê destend kerdî.

Rixmê astengîyan girseyî Kuçeyê Îstîklalî ra ver bi Tunelî rayraşîyayîş kerd û sloganê 'Teda nêeşkena ma bêhez bikera' vat. Polîsan Tunel de hêrişê girseyî kerd.

Eşkerayîye ra çend saetî verî polîsan bînaya HDPyî ya Îstanbulî girewte binê ablûqa nêverda ke Hemserekê HDPyî yê Îstanbulî Erdal Avci û Elîfe Bulut, îdarekarê HDPyî, aktîvîstê TJA, Hemserekê MATUHAY-DERî Nesîm Ozkan bîna ra vejîyê.

Girse dima rixmê astengîyan Meydanê Tunelî de kom bi. Polîsan tîya de zî mudaxeleyê girseyî kerd û xeylêk kesî destbend kerdî.