Rêxistina HDPyî ya Îstanbulî semedê protestokerdişê operasyonê Kobanê çalakîye organîze kerde. Polîsan hêrişê çalakwanan kerd û xeylêk kesî destbend kerdî.

Çalakîya ke Kadikoy de ameye kerdene û wekîl û îdarekarê HDPyî yê Îstanbulî tewrê ci bîyî de polîsan çalakwanî girewtî binê ablûqa. Polîsan hêriş kerd û çar kesî destbend kerdî. Wekîlê HDPyî yê Îstanbulî Musa Pirogluyo ke vera polîsan vejîya ame derbkerdene. Rixmê hêrişê polîsan HDPyijan eşkerayîye daye.  

Eşkerayîye de bale ameye antene polîtîkaya hêrişkare ya îqtîdarî ya vera kurdan ser û nê  ameyî vatene: ''Ne dewaya qefilnayîşî ya vera HDPyî, ne dewaya Kobanê ne zî operasyonê nêmeyê şewe nêeşkenê  verê têkoşînê ma yê heqdarî yê bigêrê. Êyê ke pê kayan bîlaheq hêriş kenê, neheqîye kenê do rojêke çok bidê. HDPyo ke îradeyê şarî yo do rayîrê xo yê raştî de avêr şiro.'2

Badê eşkerayîye de Hemserekê HDPyî yê Kadikoyî Koray Turkan zî tede çar kesê ke nameyê înan nêameyî musayene ameyî destbendkerdene.