Ethem Sarisuluk wextê Xoverdayîşê Gezî de Parka Guvenî ya Anqara de amebi qetilkerdene. Vizêr serrgêra qetilkerdişê ci de ame waştene ke Sarisuluk bêro yadkerdene. Polîsan yadkerdişî ra verî dormeyê parke girewt û nêverda çew tewrê çalakîye bibo. Polîs tîya de qasê 30 kesî destbend kerdî û paskil eşt Wekîla Partîya Çep a Keske Burcugule Çubuk.

Nameyê 14 destbendkerdeyan wina yê: Çagla Yeşîm Çakir, Songul Dogan, Mûstafa Feroglû, Enes Ûgûr, Zarîfe Çamalan, Ûmût Korkûtan, Devîn Can Atakan, Tûgûlka Koseoglû, Ilgaz Kekeç, Melîh Yildiz, Mûrat Can Çoban, Dîlara Huseyîn Gokoglû, Umît Can Akbûlût

Girse dime verê bînaya HDPyî ya Anqara de ame pêser. Burcugule Çubuk tîya de qisey kerd û pare krd ke Mudirê Asayîşî a  tacîz kerda û tehdît kerda. 

Girseyêko bîn zî Şubeyê ÎHDyî yê Anqara de ame pêser û eşkerayîyêke daye. Hemsereka ÎHDyî ya Anqara Sevîle Turgut tîya de qisey kerd û vat ke polîsî her serre hêrişê înan kenê. Dadîya Ethem Sarisulukî Sayfîye zî îfade kerd ke her serre heman şîdet vînenê. 

Hemsereka HDPyî ya Anqara Pakîze Sînemlîoglu vat: ''Polîsan da ma ro, bi desan embazê ma bi îşkenceyî destbend kerdî. La ê do nêeşkê verê têkoşînê ma yê heqdarî bigêrê.''