Rêxistina HDPyî ya Esenlerî waşt ke şehîdanê Qirkerdişê Roboskî yad bikera la polîsan hêrişê girseyî kerd. Polîsan xeylêk kesî bi îşkenceyî destbend kerdî, xebatkarê çapemenîye derb kerdî û warî ra dûr vistî.
Sîyasetmedaranê HDPyî serrgêra 11. ya Qirkerdişê Roboskî de waşt ke 34 şehîdanê qirkerdişî yad bikerê. La polîsan hêrişê sîyasetmedaran kerd. Yadkerdişî ra ver polîsan dormeyê Rêxistina HDPyî ya Esenlerî girewt û bira qeymeqamîye krde bahaneya qedexekerdişê yadkerdişî.
Girseyî rixmê ney zî waşt Wekîlê HDPyî Alî Kenanogluyî reyde merasîmê yadkerdişî bikero la polîsan hêriş kerd, xeylêk kesî bi îşkenceyî destbend kerdî û xebatkarê çapemenîye bi tirsan derb kerdî, warî ra dûrî vistî.
Wekîl Kenanogluyî vera destbendkerdişê polîsan nêrazîbîyayîşê xo mojna û vat ke HDPyî ra ber qet yew partîye nêna astengkerdene. Kenanogluyî vat: ''Qirkerdişê Roboskî hetê dewlete ra verê çimanê pêro dinya de amebi kerdene. La heta nika derheqê nê qirkerdişî de qet yew tehqîqat nêame kerdene û çewî nêame cezakerdene. Ma do qetî Qirkerdişê Roboskî xo vîr a mekerê. Heta ke ma hesabê nê 34 ganan bipersê bi qerardarî têbigêrê.''
