Nobeta Edaletî ya merdimanê tepişteyanê nêweşan û tepişteyanê ke înfazê înan ameyo vêşnayene hewteyê 36. de verê Edlîyeya Îstanbulî ya Çaglayanî de ameye kerdene.

Wekîlê HDPyî Musa Pîroglu, ANYAKAY-DER, Rêxistina HDPyî ya Îstanbulî zî paştî daye çalakîye.

Polîsan çalakîye ra ver Meydanê Çaglayanî girewt binê ablûqa û qedexeyê çalakîyan ê Qeymeqamîya Kagithaneyî vist verî. Polîsan dima hêrişê çalakîkeran kerd û Zeynepe Calihan, Kumru Akgul, Emîne Arslan, Şahîn Kizilkaya, Feryat Sakalli, Sebahattîn Hallî, Şafî Erol, Evîne Genç,  Adalet Unlu, Emrullah Şenyuz û Zemîne Gokçe destbend kerdî.

Wekîl Pîrogluyî vera destbendkerdişan nêrazîbîyayîşê xo mojna û pare kerd ke wa her kes vera na zorbazîye û zulmî hetê keyeyanê tepişteyan de bibê.