Polîsê ke Mîraç Mîrogluyo 7 serre pê wesayîtê zirxînî qetil kerd, badê îfadeyî ame veradayene

3ê êlule de taxa Turgut Ozalî ya qeyaza Hezexî ya Şirnexî de wesayîtê zirxinî da domenêkî ro. Domenê bi nameyê Mîhraç Mîrogluyo 7 serre dinyaya xo bedilnaye. 

Bi rojan dima ra îfedeyê polîsê ramitoxê wesayîtî ame girewtene. Serdozgerîya Komare ya Hezexî dosya sey ''qezaya trafîkî ya bimerge'' akerde. Polîsê tirkî ke badê 3 rojan îfedeyê ci ame girewtene ame veradayene.

Dîya zanayene ke polîsê vato ey wesayît lez nêramito û bi zanayîşî nêkerdo.  Dosya seba ke bêro safîkerdene Daîreyê Îhtîsasî yê Trafîkî yê Dezgehê Tipê Edlîyî rê ameye şawitene.

Dozgerî hema îfadeyê keyeyê Mîhraçî nêgirewt. Yeno pawitene ke îfadeyê keyeyî rojanê verê ma de bêro girewtene.