Taxa Valî Mîthat Beyî yê Wanî de polîsêko ke peymana ci ya kîra qedîyabî, nêwaşt keye ra bar bikero û wayîrê keyeyî de pêro da. Polîsî domano 10 serre zî tede 3 kesî derb kerdî û bi çeka xo eşt hemwelatîyan ser. Dima kesêko ke xo sey çawişê pisporî dabi şinasnayene zî paştî da polîsî û bi jop, gazê îsotî hêrişê hemwelatîyan kerd.

Dîya zanayene ke polîsî wina vato: ''Ez eşkena keye de 6 menganê bînan zî ronişa, kîra zî nêda.''

Birîndarî wedarîyayî nêweşxaneyî. Gerreyê hemwelatîyan ra dima polîs ame berdene bi qereqolî. Qereqolî polîs sewqê qereqolê cendirmeyan kerd. Keso ke wextê serebûtî de vatbi çawişo pispor o, qereqol de vat ke o karkerêkê kargehê tekstîlî yo.

Dîmenanê serebûtî de aseno ke polîsan hemwelatîyî derb kerdê.