Prof. Andrej Grubacic Serekê Beşê Antropolojî û Vurnayîşê Komelkî yê Enstîtuyê Kalîfornîya yê Cigêrayîşanê Integral-San Francîscoyî û edîtorê Journal of World-Systems Research o. Prof. Andrej Grubacico ke heman wextî de edîtorê PM Pressî yo hîkayeya îngilîzkî 'Azadîye Do Ser Bikewa' de qalê cû û têkoşînê Rayberê Şarê Kurdî Abdullah Ocalanî keno.

Grubacicî pare kerd ke ey serranê 90an de têkoşînê kurdan û fikrê Rayberê Şarê Kurdî Abdullah Ocalanî şinasnayê û nînan ser o cigêrayîşî kerdê. Grubacicî îfade kerd ke o nêzdî ra qewimîyayîşanê Rojawanî teqîb keno û ard ziwan ke Rojawan seba çepgîranê dinya nimûneyêk a.

Grubacicî ard ziwan ke fikrê Abdullah Ocalanî seba sosyalîzmî alternatîfê neweyî yê. Grubacicî bale ante girîngîya Hemleya 'Abdullah Ocalanî rê Azadîye, Meseleya Kurdan rê Çareserîye' ser û vat: ''Na hemle hêvîyêk a. Ganî ma babeta şorişgêrîya Abdullah Ocalanî de isrardar bibê. Abdullah Ocalan lîderêkî ra zêdeyêr o. O fîlozof, komelnas û zanyar o. Ma na raştîye eşkenê Şorişê Rojawanî û têgêrayîşê azadîye de bivînê. O Rayber o û bi fikranê xo tesîrê merdimatîye keno. 

Seba ke ferasetê Ocalanî vila bibo ganî kitabê ey hîna zaf ziwanan rê bêrê açarnayene. Ma sey PM Pressî kitabê ey Dialogues With Free Life, The Beyond Power, State And Vîolance, Sociology of Freedom weşanayî. Kitabê ey Sociology of Freedom (Sosyolojîya Azadîye) wayîrê fikranê ercîyayeyan o. Goreyê mi pêşnîyazê Ocalanî fîlozofanê bînan ra zafêr biîdîa yê.''