Qezaya Geverî ya Colemêrgî de hêrişê PDKyî ameyî protestokerdene. Eşkerayîye ra verî polîsan dormeyê kuçeyan girewt la rixmê ney zî girseyî verê bînaya HDPyî de sloganî vatî.  Polîsan bi bahaneya 'qedexeyî' destûr nêda eşkerayîye. Girse naye ser o ver bi Merkezê Zagrosî rayîr a şi. 

Polîsan hêrişê girseyî kerd û bombaya gazî û awa tazyîkene eşte. Hêriş de xeylêk kesî ameyî destbendkerdene. Wekîlanê Partîya Çep a Keske cadde de çalakîya roniştişî kerde û polîsan hêrişê nînan zî kerd.

Hemwelatîyan bi sloganan vera hêrişî nêrazîbîyayîşê xo mojna. Serebûtan de polîsêk zî birîndar bi.