Endama Kongreya Neteweyîye ya Kurdîstanî ya Armenîstanî Jenya Qadir derheqê şerê Karabagî de ANFyî reyde qisey kerd.

Jenya Qadir da zanayene ke dewleta tirke 5-6 mengan ra nata amadekarîya nê şerî kerdêne. Jenya vat: ''No şer planê Azerbaycan û Tirkîya bi. 30 serran ra nata mabênê Armenîstan û Azerbaycanî de meseleya Karabagî esta. La bi nê şerî mesele resaye astêka bîne. Çunke no şer hetê Tirkîya ra yeno kerdene. Tirkîya seba armancê xo yê Kafkasya mabênê înan de şer vet.''

Jenya Qadir eşkera kerd ke Rûsya polîtîkaya xo ya Rojawanî nika zî Armenîstan ser o ano ca û vat: ''Ma biewnê tarîx; dewleta tirke qet dosta çewî nîya. Eke Tirkîya Kafkasya de ca biba no şer pêro herême ra vila beno. Rûsya nêeşkena hesabê nê felaketî bina. Ma zanenê ke Tirkîya wazena hîna zaf herêman îşxal bikera. Dewleta tirke sey serra 1915î nika zî wazena Armenîstan de armenan qir bikera. Armenîyî derheqê kurdan de wayîrê fikranê şaşan bîyî. Înan kurdî sey berpirsîyara qirkerdişî dîyêne. No şer mojneno ke aslê xo de dişmenê kurd û armenan yew o. Coka ganî armen û kurdî bêrê têkişte. Seke Rayber Apoyî vat: 'Bingeyê biratî û dostanîya şaran de cuya hempare girîng a.' Ma naye ra na paradîgmaya Rayber Apoyî xo rê kenê esas.''