Serekê Komeleya Heqanê Merdiman a Anqara Fatîn Kanatî ANFyî rê qisey kerd û babeta amadekarîya qanûnê bingeyî yê neweyî ercnaye.

Kanatî ard ziwan ke krîzêko eşkera esto û vat: ''Sîstemê serekîye xeylêk selahîyetan dano yew kesî/e, bi qerarnameyêkî pêro awanîya îdare, muhakeme û sîyasî vurîyeno, selahîyetê wezîfedarkerdişişî  bi îmzayêke benê, her tewrê îtîtazî bi şîdetî yeno binpaykerdene. Nê şertan de nîqaşê serê Qanûnê Bingeyî semedê demokrasî nîyê.''

Kanatî bale ante ser ke nê nîqaşan de meseleya kurdan çin hesibîyena û vat: ''Qanûno Bingeyî yê 1921 wayîrê tay taybetmendîyanê demokrasî bi la dima ke rejîmo kemalîst bi xurtêr Qanûno Bingeyî yê 1924î bi destûrê tekperestî û nîjadperestîye. Hewceyê qanûnê bingeyî yê neweyî ra ber welat hewceyê çareserîya meseleya kurdan o. Heta çareserîya demokratîke ya dewaya kurdan nêba Qanûno Bingeyî yo newe do meseleyêke çareser nêkero.''