Vera destsernayîşê Şaredarîya Qaxizmanî verê şaredarî de çalakîya protestoyî ame kerdene. Serekwekîla Grûba DEM Partî Gulîstane Kiliç Koçyigit û wekîlê DEM Partî zî tede xeylê kesî tewrê çalakîye bîyî.

Hemserekê DEM Partî ya Qersî Arzu Savaş Derman vat: ''Ma do semedê heme şaranê Tirkîya tim haştîye bipawê û çirey qeyûmî çirey qebul mekerê.''

Serekwekîla Grûba DEM Partî Gulîstane Kiliç Koçyigit zî nê vatî: ''Şima hem sindoq nanê ro hem zî qeyûm tayîn kenê, çunke şima zorbayî. Şima qanûnê bingeyî, huqûq nas nêkenê. Nê welatî de tim çîyê vera qayûnî yenê kerdene. Na darbeya. Darbe têna bi leşkeran nêbeno. Şima vera paradîgmaya ma ya haştîye şer akenê. La şar şima do vîjnayîşê verênî de reyna cewabê şima bido. Ma do çirey vera şima milê xo çewt mekerê. Şima heta ke eşkenê qeyûm tayîn bikerê qet kesêk do vera şima milê xo çewt mekero. No zî wa şima rê do bibo derd.''