Hukmato ke vera janê Korona semedê zîndanan tedbîrêko zixm nêgêno çareserîye qedexekerdişê pêvînayîşî de vîneno. Wezîrîya Edaletî ya Tirkîya qedexeyê pêvînayîşanê zîndanan o ke sey 'tedbîrî' amebi girewtene heta 30ê nîsane pey de eşt.

Bi qerarê Wezîrîya Edaletî akerde û qefilnaye pêvînayîşê avûkatan zî tede heme pêvînayîşî heta 3ê nîsane ameyî qedexekerdene. Teberê heqê îzînê taybetî, nêweşîye û asayîşî yê înanê ke dezgehanê înfaze ceza yê akerdeyan de manenê, naqlkerdişî zî tede heme falîyetî heta 30ê nîsane ameyî taloqkerdene. Reyna domanê ke pa mayanê xo zîndanî de manênê ê zî do nê demî de  mevejê teber. Merdimê tepişteyan rewşa îstîsnaye de do bi qerarê serdozgerîye pêvînayîş bikerê. Avûkatî zî rewşa îstîsnaye de do bi lapik û maskeyan pêvînayîşo qefilnaye bikerê.

Qedexeyê pêvînayîşanê zîndanan  reya verêne 13ê adare de amebi destpêkerdene û 28ê adare de semedê di hewteyan amebi dergkerdene.