13ê çeleyî de Şaredarîya Akdenîzî ya DEM Partî rê qeymeqamê  Akdenîzî Zeyît Şener sey qeyûmî amebi tayînkerdene û hemşaredarî Hoşyar Sariyildiz û Nûriye Arslan erkî ra ameybî girewtene. 

Qeyûmê Akdenîzî cayê 150 karkeran vurna. Qeyûmê Şaredarîya Akdenîzî  verê cû seba ‘’mulkanê ke nêrê rotene’’ dewa akerdibî. Qeyûm 16ê nîsane de do îhaleyê 680 mîlyonan bîyaro ca û nê mulkan biroşo

Lîsteya nê mulkan de bînaya TEDAŞî ya kahane zî est a.

Wekîlê DEM Partî yê Mersînî Alî Bozanî dîyar kerd ke nakokîyê belgeyanê qeyûmî verê bêhuqûqîye akenê û vat: ‘’Qeyûmî hêverî dewa akerde û nika zî vano ke nê mulkan do biroşo. Na rewşe hem hetê huqûqî ra hem zî hetê îdareyî ra ganî bêra cigêrayene.

No rotiş tena meseleya rotişê çend bîna, parsel û girawan nîya. Seba kerdişanê winayênan bira Meclîsê Şaredarîye lazim a. Game bi game demokrasî ra fek yeno verdayene.’’