Serê rayîrê Dîlok-Nîzîpî de otobusêke, wesayîtê îtfaîya, ambulans û wesayîtê rojnamegeran ginayî yewbînan ro. Netîceya qezayî de goreyê agahîyanê verênen 15 kesan dinyayaya xo bedilnaye. Walîyê Dîlokî Davut Gulî derheqê qezayî de eşkerayîye daye û dîyar kerd ke 15 kesan dinyaya xo bedilnaya, nînan ra 3 tenî personelê îtfaîya, 2 tenî personelê weşîye û 2 tenî zî rojnameger ê.

Dîya zanayene ke di rojnamegerê ke qeza de merdî xebatkarê Ajansê Xeberan ê Îhlasî (ÎHA) Muhammed Abdulkadir Esen û Umut Yakup Tanriover ê. Ame parekerdene ke qeza de 10 kesî birîndar bîyê û wedarîyayê nêweşxaneyanê şaristanî.