Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî kiştene, lajê xo Ferît Şenyaşarî reyde 410 rojî yo verê Edlîyeya Riha de nobeta edaletî gêna.

Ewro birayê AKPyî Îbrahîm Halîl Yildizî  Celal Yildiz û birarzayê ci Osman Şah Yildiz û Osman Yildiz zî tede 9 kesê ke nameyê înan Qirkerdişê Şenyaşaran de ravêrno ameyî destbendkerdene.Yeno pawitene ke kesê ke ameyî destbendkerdene badê îfadeyî vejîye mehkeme. Cipersayîş de nameyê 43 kesan ravêreno.