Kurdî û dostê înan do serrgêra Qirkerdişê Parisî yo ke 9ê çeleyê 2013î ye ame kerdene ke Sakîne Cansiz, Fîdane Dogan û Leyla Şaylemez ameyî qetilkerdene de vejîyê kuçeyan.

Sere de Paris xeylêk welatanê Ewropa de rayraşîyayîş, vîrardişî û çalakîyî do bêrê kerdene. Paris de semedê tewrbîyayîşê aktîvîteyan vendayîşî yenê kerdene. Meclîsê Cinîyan û Meclîsê Komelê Demokratîkî yê Kurdan semedê aktîvîteyan vilawekî vila kerdî û veng da ke semedê hesabpersayîşî wa kurdî û dostê înan vejîyê kuçeyan.

Çarçewa çalakîyanê vîrardiş û hesabpersayîşî de Paris de do 5ê çeleyî de saete 11:00 de verê Buroyê Enformasyonî yê Kurdan de aktîvîteya vîrardişî bêro kerdene. Dezgehê dostî zî do tewrê aktîvîte bibê. Rayraşîyayîşo pîl zî do 8ê çeleyî de cayê qirkerdişî Gare Du Nord de bêro kerdene. Yeno pawitene ke pîya kurdan xeylêk sîyaetmedarê firansizî û rêxistinê cinîyan ê femînîstî zî tewrê rayraşîyayîşî bibê.9ê çeleyî de bi wesîleya serrgêra qirkerdişî do verê Buroyê Enformasyonî yê Kurdan de aktîvîteya vîrardişî bêro kerdene.