Operasyonê qikerdişê sîyasîyî yê îqtîdarê faşîstî yê AKP-MHPyî dewam kenê.

Têna 15 rojan de nizdê 500 kesî ameyî destbendkerdene. Reyna eynî rojan de 15 ra zafêr kesî ameyî tepiştene. Êyê ke ameyî destbendkerdene û tepiştene zafê înan HDPyîj ê. Îqtîdarî karkerê xoverdayoxî zî destbend kerdî.

15ê teşrîna peyêne: Hemserekê HDPyî ya Pazarcaxi Nacî Kiziler ame tepiştene. Pirsûsê Riha de 6 kesî ameyî destbendkerdene.

16ê teşrîna peyêne: Hemserekê HDPyî yê Sûrî Cemal Ozdemîr ame tepiştene. Qelqeliya Wanî de 10 kesî ameyî destbendkerdene.

18ê teşrîna peyêne: Riha de cinîyêke ameye tepiştene. Endamê PENê Kurdî û Îdarekarê Komeleya Edebîyatkaran ê Kurdan nuştox Nezîr Çakan çarçewa tehqîqatê Kobanê de ame tepiştene. Îstanbul de sereştişê kekeyanê îdarekaranê  HDP û TUAY-DERî de 6 kesî ameyî destbendkerdene.

19ê teşrîna peyêne: Qelqeliya Wanî de 6 kesî ameyî tepiştene. Karkerê  BİMEKSî ameyî destbendkerdene.

20ê teşrîna peyêne: Çarçewa tehqîqatê vera KCDyî de Hemserekê OHDyî Bunyamîn Şeker zî tede xeylêk kesî ameyî destbendkerdene. Bursa de 6 kesî ameyî destbendkerdene.

21ê teşrîna peyêne: Îstanbul de hemserekê HDPyî yê Bajarî zî tede xeylêk kesî ameyî destbendkerdene.

22ê teşrîna peyêne: Îdarekarê DBPyî Îhsan Çapano ke grûba verê bînaya HDPyî hêrişê ci kerdbi, ame destbendkerdene.

23ê teşrîna peyêne: Amed de çarçewa tehqîqatê vera KCDyî de 75 kesê ke ameybî destbendkerdene ra 5 kesî ameyî tepiştene.

24ê teşrîna peyêne: Wan de Muxabîrê Ajansê Mezopotamya Hakan Yalçin sereştişê keyeyê ci de ame destbendkerdene. Bedlîs de 5 kesî ameyî destbendkerdene. Ame de Suna Balta ke raştê heqaretê gruba verê HDPyî ameybî ameye destbendkerdene.

25ê teşrîna peyêne: Karkerê ke Karahan ra verbi Anqara rayra şiyêne raştê hêrişê leşkeran ameyî, 30 karkerî ameyî destbendekerdene. Bursa de avûkatî Cahît Kirkazak û Mehmet Denîz Buyuk keyeyê xo de ameyî destbendkerdene.

26ê teşrîna peyêne: Îstanbul de semedê 26 kesanê ke derheqê înan de qerarê destbendkerdişî esto de, 28 adresî ameyî sereştene. Akdenîzê Mersin de 6 kesî, Dîlok de  Hasîbe Yaman ameyî destbendkerdene. Bedlîs de Îmdat Tokmak û Ergîn Savaş ameyî tepiştene.

27ê teşrîna peyêne: Muxabîrê Ajansê Mezopotamya Hakan Yalçin sereştişê keyeyê ci de ame destbendkerdene. Amed, Mêdîn, Sêrt Ankaqara, Îzmîr, Êlih û Meletî de sereştişê keyeyan de 70î ra zafêr kesî ameyî destbendkerdene. Dîlok de cinîya bi nameyê Hasîbe Yaman ameye tepiştene.

28ê teşrîna peyêne: Hemşaredara qezaya Hezoyî ya Êlihî Nazîme Avci sereştişê keyeyê ci de ameye destbendkerdene. Mûş de endamê Meclîsê Ciwanîye yê HDPyî  Sînan Ozturk ame destbendkerdene.

29ê teşrîna peyêne: Riha de 2 kesî ameyî destbendkerdene.

30ê teşrîna peyêne: Îzmîr de Abdî Ertaş bi îdîaya 'endamîya rêxistine' ame tepiştene.  Amed de 30 kesê ke ameybî destbendkerdene ra Ahmet Elîçîn ame tepiştene. Êlih de 15 kesê ke ameybî destbendkerdene ra 2 kesî ameyî tepiştene.

1ê kanûne: Şirnex 21 , Amed de 3, Mersin de 1 û Edirne de 4 kesî ameyî destbendkerdene.