Mehkemeya Cezaya Girane ya Amedî de roniştişê dewaya bi sûcdarîya 'propagandaya terorî' ya vera Leyla Guven ame kerdene. Guvene Zîndanê Xarpêtî ra pê SEGBÎSî tewra roniştişî bîye.

Meqamê îdîa mehkeme de vat ke Leyla Gucen 14ê temmuza 2019î de rîpelê medyaya dîjîtale yê Rêxistina HDPyî ya Amedî de bi kurdkî qisey kerdo û bi nê hawayî 'propagandaya rêxistine' kerda.

Dozgerî qiseykerdişê Guvene yê serê tecrîdê Îmraliyî, Qirkerdişê Pirsûsî, Roja Têkoşînê vera Şîdetê Serê Cinîyan sey sûcî hesibnayî û seba Guvene cezaya zîndanî ya 43 serran û 5 mengan waşte.

Roniştiş taloqê 17ê teşrîna verêne ame kerdene.