104 kesê ke Qirkerdişê Garî yê Anqara de 10ê teşrîna verêne de hetê cerganê DAÎŞî ra ameybî qetilkerdene, verê Garî de ameyî yadkerdene. Merasîmê yadkerdişî hetê Komeleya Haştîye ya 10ê Teşrîna Verêne ra ame kerdene û Rêxistina HDPyî ya Anqara zî tewra merasîmî bîye.

Sereka komele Mehtape Sakîncî Coşgun merasîm de eşkerayîye wende û vat: ''Ma qetî têkoşînê xo yê edaletî ra fek vera nêda. Mîyanê 7 serran de ma xeylêk destkewteyî vistî destî. Serra 8. de ma do bi qerardarîyêka pîke aver şorê. Têkoşînê ma yê edaletî do dewam bikero. Ma do waştişê edaletî yê keyayan bîyarê ca.''

Hemsereka HDPyî ya Anqara Pakîze Sînemîllîoglu vat: ''Dejê ma nêrê vîrakerdene. Êyê ke mesuldarê nê qirkerdişî yê do rojêke bêrê cezakerdene. Sebebê nê qirkerdişî yo tewr pîl zî polîtîkaya bêcezaverdayîşî ya. Me venga embazanê xo danê ke serewedaritişî pîl bikerê û têkoşînê xo rê dewam bikerê.''