Ewro serrgêra 5. ya Qirkerdişê Garî ya Anqara ya. Rêxistinanê demokratîkan seba ke qurbananê Qirkerdişî yad bikerê waşt ke cayê serebûtî de bêrê pêser. La polîsanê tirkan hêrişê girseyî kerdî û 11 kesî destbend kerdî.

Dima ke polîsan nêverda girse asteng kerd girseyî Meydanê Garî de zîncîrê merdiman viraşt û tarfîk girewt. Girseyî bi hawayêkê pîtî sloganê sey 'Kiştox DAÎŞ, hemkar AKP' vatî.

Girseyo ke nêeşka şoro Meydanê Garî, metroyê Ulusî de nameyê qurbananê Qirkerdişî wendî û qerenfîlî nayî ro.