Anqara de 10ê teşrîna verêne ya 2015î de Nawnayîşê Haştîye de 103 kesî hêrişê DAÎŞî de merdî. 103 qurbanê Qirkerdişê Garî menga 62. de verê Garê Anqara de ameyî yadkerdene.

Merasîmê yadkerdişî de Sereka Komeleya 10 Ekimî Mehtape Sakîncî Coşgun qisey kerd.

Coşgune vat: ''Seba ke edaleto raştikên nêno caardene ma hêrsbîyaye yê. Dejê ma nêeşnawîyeno. 15ê kanûna 2020î de roniştişê dewaya qirkerdişî esto la têna yew verguman esto. Ganî rixmê her çîyan vejîyê meydanan. Ma wazenê tîya de seba vîrameyîşî statu bêro ronayene. Wa her kes bizano ke têkoşînê ma heta ke edaleto raştikên bêro ca dewam bikero.

Hemserekê KESKî Mehmet Bozgeyîkî zî venga her kesî da ke 15ê kanûne de tewrê roniştişî bibo.