Newroza Amedî ewro qezaya Rezanî de Parka Newroze de yena fîrazkerdene. Şar seba Newroza Amedî ya ke bala her kesî ci ser o ya, hêdî hêdî verê xo dano meydanî. Meydan de platformêko pîl ronîya û pankartê bi nuşteyê sey ‘’Jin, Jiyan, Azadî’’ daliqîyayî.

Meydan de forografê Kemal Kurkuto ke Newroza 2017î de amebî qirkerdene, ameyî daliqnayene.

Şar Bulwarê Qamişloyî, Kuçeyê Newroze û Taxa Rezanî de noqtayanê kontrolî ra derbaz beno.

Girseyî bi sloganan, bi coşî, bi dahol û zurnayan dekewenê meydanî. Girseyê ke resayî meydanî govende gênê.

Emser Fransa, Katalonya, Îspanya, Îrlanda, Belçîka, Almanya, Îtalya, Kenya, Çekya, Hindîstan, Misir, Îran, Lubnan, Lîbya, Iraq, Tunus û Herêma Kurdîstanî ra xeylê sîyasetmedar, sendîkawan, temsîlkarê komelê sivîlî û rojnamegerî do şayîye teqîb bikerê.

Qasê 629 rojnamegeran seba teqîbkerdişê Newroze muracatê akredîte kerd.

Wina pawîyeno ke bernameyê Newroze ho dest pêkeno.

Ozleme Gultekîna ke bi lajê xo yê astengdarî û mêrdeyê xo Xana Axparî ra ameya vat: ‘’Ma bi kelecanê Newroze serê sibayî kewtî rayîr. Lajê mi zî zaf waşt ke ma bêrê.’’

Kemal Çalmano ke Bazîdî ra ameyo vat: ‘’Ma bi kelecanî ameyî.’’

Meydan de fotografo ke Rayber Apoyî bi Heyetê DEM Partî Îmrali de girewtibi ame daliqnayene.