Raporê 2021î yê Komîsyonê Ewropa: Tirkîya hêzê îşxalî yo

Komîsyonê Yewîya Ewropa raporê xo yê 2021î de wina pênase kerd ke Tirkîya Sûrîye de hêzê îşxalî yo.

Komîsyonê Yewîya Ewropa raporê xo yê 2021î weşana û Tirkîya rê rexneyê xurtî kerdî.

Rapor de dîya zanayene ke polîtîkaya teberî ya Tirkîya goreyê polîtîkayanê teberî û asayîşî yê Yewîya Ewropa nîyê.

Rapor de wina ame vatene: ''Tirkîya rojawanê Sûrîye de bi hêzanê xo yê milîsan têgêrayîşê leşkerî rê dewam kena. Tirkîya vakurê Sûrîye de zî torra xo ya binawanîye hîra kerda. Nê cayan de rewşa heqanê merdiman qerqilnena. Dewleta tirke nê herêman de hêzê îşxalî yo.''

Reya verêne Komîsyonê Ewropa estbîyayîşê Tirkîya sey 'hêzê îşxalî' pênase keno.