Garîbe Gezer vizêr Zîndanê Kandira de bi hawayêkê şikdarî dinyaya xo bedilnaye ke hucreyê yewkesî de mendêne. Îdareyê zîndanî îdîa kerd ke Garîbe xo kişto.

Baroyê Hetkarîya Huqûqî ya Vera Tacîz û Tecawuzî û avûkatê Komeleya Huqûqnasanê Seba Azadîye (OHD) şîyî zîndan. La heta ke avûkatî şîyî otopsîyê Gezere bêavûkatan ame kerdene.

Goreyê agahîyanê ke avûkatan pare kerdê otopsîyê verênî yê Garîbe de sebebê mergî nêameyo eşkerakerdene.

Cenazaya Garîbe Gezere ewro nêweşxaneyî ra do bêra girewtene û saete 15.30 de bierşawîya Mêrdînî.