Komîsyonê Zîndanan ê Komeleya Huqûqnasan a Seba Azadîye (OHD) raporê xo yê derheqê îşkenceyê Sîlîvrî pare kerd ke netîceya nê îşkenceyî de tepişte Ferhan Yilmaz û tepişteyêko bîno ke nameyê ci nêzanîyeno ameybî qetilkerdene.

Rapor de dîya zanayene 60 gardîyanan eşt koxûşamn ser, eşyayê tepişteyan vila kerdî û warê hewayî de erdî de tepişteyî derg kerdî.Goreyê raporî dima gardîyanan vato: ''Ma nameyê dewlete ser o ameyî. Ma çi biwazê şima rê kenê.''

Goreyê raporî wextê îşkenceyî de tepişteyêkî vato psîkolojîya ci hol nîya û wazeno xo bikişo la gardîyanan îşkenceyî rê dewam kerdo. OHDyî vat: ''Nê tepişteyî û tepişteyêkê bînî dima xîret kerd ke xo bikişê. Ma bedenê înan de rêçî dîyî. Reyna tepişteyêko bîn zî îşkenceyî ra 6 rojan dima ameyo berdene bi 'odaya sungerine.' Tîya de ci rê îşkence ameyo kerdene. Tepişteyan da zanayene ke gardîyanan seba ke tepişteyî xo bikişê, jîlet û kardî hetê înan de verdenê. Hetê bînî ra ame parekerdene ke îdareyê zîndanî pêvînayîşê telefonî qedexe kerdo.''

OHDyî ard ziwan ke ganî sûcdarî wezîfe ra bêrê girewtene. OHDyî venga Wezîrîya Edaletî da ke wa derheqê nê serebûtan de erkê xo bîyara ca.