Weqfa Heqanê Merdiman a Tirkîya (TÎHV) 'Raporê Merkezanê Dermankerdişî û Rehabîlîtasyonî yê 2020î' eşkera kerd. 

Goreyê raporî 2020 de her 10 kesan ra yew kes maruzê îşkenceyî mendo. Goreyê raporî 572 kesan îşkence û kerdişê xirabî ra, 2 kesan îşkence û binpaykerdişê heqanê merdiman ra, 31 kesanê ke merdimê ci maruzê îşkenceyî mendî pê waştişê dermankerdişî, rehabîlîtasyon û dokumentan muracatê TÎHVî kerd. Ame tesbîtkerdene le 12 muracatî teberê welatî ra ame kerdene.

Rapor de ame parekerdene ke muracatan ra se ra 62,5 camêrd, ser a 36,5 cinîyan, se ra 1 LGBTÎ ra, se ra 3,4 domanan ra ame kerdene. Goreyê raporî 562 kesan ra 507 kesî semedê fikrê sîyasî, nasname û çalakîyan ameyî destbendkerdene.

Rapor de bale ameye antene ser ke muracatan ra se ra 24,6î Vakurê Kurdîstanî ra ameyî kerdene. Nînan ra se ra 62,6 kesî maruzê îşkenceyî bîyî. Goreyê raporî serra tewr qije ya mexdûrê îşkenceyî 3 serre ya. Ame tesbîtkerdene ke nê domanî pêro Vakurê Kurdîstanî ra yê û wextê qedexeyê tebervejîyayîşî de maruzê îşkenceyî bîyî.