Cehdkerdişê Edaletî yê Seba Roboskî serrgêra 9. ya Qirkerdişê Roboskî de Şubeyê Anqara yê ÎHDyî de  eşkerayîye daye. Endamê Heyetê Rayberdişî yê Merkezî yê ÎHDyî û Wekîlê HDPyî Kemal Pekoz tewrê eşkerayîye bîyî.

Endamê Heyetê Rayberdişî yê Merkezî yê ÎHDyî Nuraye Çevîrmen pare kerd ke qirkerdişî ra 108 mengî, 470 hewteyî û 3 hezar û 288 rojî derbaz bîyî. Çevîrmene vat: ''Ma terefgîrê edalet û haştîye yê. Roboskî îmtîhanê dewlet û îqtîdarî yo. Nê erdî de rayîrê haştîye û edaletî Roboskî ra derbaz beno.''

Kemal Pekozî zî qisey kerd û ard ziwan ke qirkerdişî ra 12 saetan dima zî medya û rojnameyanê Tirkîya qala ci nêkerde û vat: ''Erdoganî û Serekkomarê ê çaxî Abdullah Gulî Serekê Artêşe rê sipas kerd. Pêro dinya de qet yew ca de qirkerdişî ra dima sipas nêno kerdene. Ganî mesuldarî bêrê cezakerdene.''